عن الأشياء المفرحة القادمة .. :))

كتبهاجومانا حمدي ، في 14 نوفمبر 2008 الساعة: 16:11 م

129327

………………………………………..

…………………………………………………………………………..

……………………..

أكسر قله يا بني ,,

محدش يفهم غلط يا جماعه المقصود بكسر القلة هنا هو كسر الحزن ..

الذي أصبح الشعار الرسمي للانا والآتي .. ( حاجة تكسف صراحة )

وفي سلسلة قادمة بإذن الله .. سيكون هناك أشياء قادمة .. ولعلها مفرحة ..

علي سبيل المثال :-

1- بديات دروة الفرنساوي ( وهانعرف نشتم بالعنجليزي يا رداله ) والحمد لله ابشر الجميع إني مش فاهمه أي حاجة ..

2- فكرت اكتب بعض الحكايات مع الزميلة الفاضلة مصدر الفلسفة الزوجية (فجر )زميلتي بالمكتب ..

3- واهم خبر في الأخبار دي .. إني نويت والنية لله إني أخد كورسات في الفحت والردم .. ( ايوة الفحت والردم ) وهو مصطلح خاص بي تماما إكراما للأخت( مينرفا ) نظرا لأنها علي رأي ( إيما ) كسرت النحس ..

4- فرحة بشدة بأن ايما صارت ( نميسه ) واكتشفت انه اسمي ( جومانا عبد الرؤف محمد حسن حمدي ) ثم أعطتني تعليقا مرحا أضحكني حتى أدمعت عيناي أي والله .. شطورة يا ايمتي وطلعتي شاطرة اهوه ..

5- كنت أقول للعزيزة هناء رحمها الله ( هناء عاوزه أموت قدام عربية مرسيدس موديل السنه دي وتكون زرقا وفيها ولد زي القمر .. ) الحمد لله منذُ يومان ضربتني سيارة .. لم تكن مرسيدس ولا زرقاء وليس فيها فتي مثل القمر .. بس في تقدم اهوه أحلامي بدأت تتحقق ..

6- يا جماعه الشعب المصري بقي عنده وعي .. أي والله .. ركزو معايا .. معني فقدان الوعي .. انه كان في وعي وانفقد .. يعني في أمل نرجعه .. مثلا منذُ أسبوع كنت بالعمل .. وتأملت الطريق وأنا خارجة فوجدت العربات تمر بسرعة البرق فقلت لا بأس بالمرور من النفق فسمعت صبيان لا يتعدى عمرهم مرحلة الإعدادي ..يتناقشان ويريدان أن يعبرا من الطريق المباشر فصاح احدهم لا يا حمار تعالا نعدي من النفق عشان نعرف ندخلنا سجارتين قبل المدرسة ..

7- وأخيـــــــــــــــــــــــرا,,,, عاد لبيتنا هدوءه بعد أن غادر الهكسوس والمحتلون منزلنا وصار بإمكاني الاستمتاع بوحدتي في حجرتي .. كما أشاء .. الحمد لله رحل أخي وابن أخي وابن أخت مرات أخي .. كان البيت كالجحيم المستعر برغم أني لا ابقي فيه إلا لأنام .. الفاصل بين ساعات العمل والدراسة ..

8- كنت اخطط لكل الأشياء المفرحة التي سأقوم بها علي مدار أسبوع ليفاجئني دور برد شديد يجعلني لا اقوي علي التحرك لمدة عشر خطوات

9- كنت انوي التحدث عن الأشياء المفرحة أي والله .. ولكني من الواضح فشلت فشل فظيــــــــع .. ! moo ..!

أضف الى مفضلتك

ـــــــــــــــــــــــــــــــــــــــــــــــــــــــــ
التصنيفات : وحاجات كده | السمات:وحاجات كده
أرسل الإدراج | دوّن الإدراج

د.سامح إسماعيل قال:
نوفمبر 14th, 2008 at 14 نوفمبر 2008 7:58 م

والله يا جومانا بتحصل كتير

الواحد يجي يفتكر الحاجات الكويسة

يلاقي الهم من حواليه

بس زى ما قلتى

في تقدم

والحركة بركة

واكيد بكرة افضل

لان متهيألهى مفيش اصهب من كده

تحياتى

يوسف قال:
نوفمبر 16th, 2008 at 16 نوفمبر 2008 7:54 م

طول ما احنا مستنيين الحلو عمره ما حيجي ..

هو بيجي لوحده كده من غير ما نتوقعه او نعرفه

ربنا يصبرك و يصبرنا

إيما قال:
نوفمبر 19th, 2008 at 19 نوفمبر 2008 3:51 م

نميسة دي تصغير صح؟؟لأ خليني كبيرة ونمسة كدة من غير تصغير
وبعدين مش انتي اللي مدوخة جدك الرابع معاكي في اسمك وسايبة باقي الاسم كدة !! أيوة كدة اكسري قلة الكآبة بقي وخلينا نشوف شوية ألوان للفرحة هنا

سهر قال:
نوفمبر 19th, 2008 at 19 نوفمبر 2008 11:47 م

هههههههههههههههههههههههه

استنى باه

1

لما بدات دورة الفرنسيه هتعرفى تشتمى بالعنجليزى ؟؟؟

لا خيييييييييييييييير واضح انك بداتى تتقدمى فيها

3

انا عاوزه كورسات فحت و ردم معاكى

ابقى قوليلى هتاخديها فين

5

هو كده احلامك بدات تتحقق؟؟

اياكى تحلمى تانى

6

بقى الشعب كان عنده وعى و فقده ؟؟؟

طب ده قبل السيجارتين و لا بعدهم

7

استمتعى بالهدنه باه قبل ما يرجع الهكسوس

لو فشلتى تحكى حكايات مفرحه فانتى نجحتى تضحكينا

مش كفايه يعنى و لا هو طمع ؟؟

اه بالحق

وحشتينى

GalaxyGuard قال:
نوفمبر 20th, 2008 at 20 نوفمبر 2008 1:24 ص

هو العيب في النظارة .. قلت لك غيري النظارة مسمعتيش الكلام

مجهول قال:
نوفمبر 21st, 2008 at 21 نوفمبر 2008 9:10 م

أظنني علي عكس أمرك يا أستاذتي

فانا لا أتململ من صحبتي ( الاحزان - الكآبه ) و أظن انهما متعتي الكبري

بل أني اضبطني و انا متلبس بالابتسامه في أحلك لحظات الهم والحزن والاكتئاب.

خلق الانسان في هذه الدنيا وكتب عليه الشقاءفهل لنا من قوة أن نغير أقدارنا

اظن انه من البلاهه أن نجادل في هذا بل علينا التكيف والاستمتاع الي أقصي حد

بتلك الاحزان فهي حياتنا وما ان مرت تلك اللحظات اللتي أطلقنا عليها كئيبه جزافا الا ونجد اننا نظل نفكر فيها مرة أخري فهل من الاخلاص ومن أستثمار العمر أن نهدر أوقاتنا فيا لا ينفعنا ؟؟؟؟؟؟؟؟؟؟؟؟؟؟